मिनी संसदले भन्दा पनि नटेरी कसले जोगाउँदैछ यी भ्रष्टाचारीलाई ?
पोखरा अन्तर्राष्ट्रिय विमानस्थल निर्माणका क्रममा भएको घोटालामा संलग्न नेपाल नागरिक उड्डयन प्राधिकरणका महानिर्देशक (डिजी) ई. प्रदीप अधिकारीसहितलाई कारवाही गर्न संसदीय छानविन उपसमितिले सिफारिस गरेको छ ।
विमानस्थल निर्माणमा चरम अनियमितता भएको भन्दै सार्वजनिक लेखा समितिमा उजुरी परेपछि गठित सांसद राजेन्द्र लिङ्देन नेतृत्वको उपसमितिले सम्भाव्यता अध्ययनदेखि निर्माण सम्पन्न हुँदासम्म नीतिगत, प्रक्रियागत र कार्यान्वयनमा संलग्न सबै निर्णयकर्तालाई कारवाहीको दायरामा ल्याउन सुझाव दिएको छ ।
क्यानका प्रमुख अधिकारीलाई तत्काल निलम्बन गरी अनुसन्धान अघि बढाउन उपसमितिले राय दिएको छ । २०७८ पछि डिजी बनेका उनी २०७१ देखि २०७४ सम्म पोखरा विमानस्थल आयोजना प्रमुख थिए ।
विमानस्थल बनाउँदा उनले एक अर्ब भ्रष्टाचार गरेको र त्यसमध्ये केही रकम नेपालकै घरजग्गामा लगानी गरेर बाँकी विदेश ओसारेको तथ्यसहितको समाचार पहिलोपटक जनआस्थामा प्रकाशित भएको थियो । शृंखलावद्ध रुपमा बदमासी बाहिर आउन थालेपछि अख्तियारको घेरामा तानिएका उनीमाथि अहिले पनि अनुसन्धान चलिरहेको छ ।
संसदीय उपसमितिको प्रतिवेदन कार्यान्वयनमा गए तत्काल उनको पद निलम्बनमा पर्नेछ र अनुसन्धानको दायरामा तानिनेछन् । उनीमाथि भैरहेको अनुसन्धानलाई थप प्रभावकारीरुपमा अघि बढाउनका लागि पनि अख्तियारलाई यसले सहयोग पुग्नेछ ।
आयोजना प्रमुखको हैसियतमा अधिकारीले कम गुणस्तरको सामान प्रयोग गरेको र प्राविधिक हिसाबले पनि मापदण्डअनुकूल नगरेको सप्रमाण जनआस्थाले लेखेको थियो । तत्कालीन पर्यटनमन्त्री प्रेम आले र प्रमुख दलका शीर्ष नेतालाई मोटो रकम दिएर आफू क्यानको डिजी बनेको भनी उनले निकटहरुलाई दिएको बयान उद्धरण गर्दै सम्प्रेषित सामग्री पनि जनआस्थामै छ ।
आफ्नो कर्तुत ढाकछोप गर्न उनले नेपालस्थित चिनियाँ दूतावास,चिनियाँ ठेकेदार कम्पनी र सरकारी निकायलाई कतिसम्म सताएका थिए भन्ने विवरणसहितको समाचार पनि जनआस्थाले नै लेखेको हो । सबै कुरा छ्याङ्ग भैसक्दा पनि शक्ति केन्द्रको आड-भरोशा पाएर जोगिँदै आएका अधिकारीको कर्तुत अन्तत: छताछुल्ल भएको छ ।
संसदीय उपसमितिको प्रतिवेदन कार्यान्वयनमा गए तत्काल उनको पद निलम्बनमा पर्नेछ र अनुसन्धानको दायरामा तानिनेछन् । उनीमाथि भैरहेको अनुसन्धानलाई थप प्रभावकारीरुपमा अघि बढाउनका लागि पनि अख्तियारलाई यसले सहयोग पुग्नेछ ।
प्रतिवेदनमा प्राधिकरणका महानिर्देशक अधिकारीलगायत घोटालामा संलग्न बहालवाला कर्मचारीलाई तत्काल निलम्बन गरी छानविन अघि बढाउन अख्तियार दुरुपयोग अनुसन्धान आयोग र सम्पत्ति शुद्विकरण विभाग र अन्य विषयमा आवश्यक प्रकृया अगाडि बढाउन सरकार र सम्बन्धित निकायलाई निर्देश गरिएको छ । प्राधिकरणका पूर्वमहानिर्देशक सञ्जीव गौतम र राजन पोखरेलमाथि अनुसन्धान हुनुपर्ने भनिएको छ
त्यस्तै,पोखरा विमानस्थल आयोजना प्रमुख विनेश मुनाकर्मी,राष्ट्रिय गौरव आयोजनाका निर्देशक चाँदमाला श्रेष्ठ, इञ्जिनियर प्रविन न्यौपाने,प्रशासन प्रमुख राजेन्द्रप्रसाद पौडेल पनि घोटालामा मुछिएका छन् । प्राधिकरणका निर्देशक ई. बाबुराम पौडेललाई पनि छानविनको दायरामा ल्याउन सुझाव दिइएको छ ।
याे पनि.....
पोखरा विमानस्थलमा सवा २ अर्ब घोटाला, खानेहरु चोखै
डिजीका आसेपासेद्वारा पत्रकारलाई गायब पारिदिने धम्की
महानिर्देशक प्रदिप अधिकारीको बदमासी खोतल्ने लेखा समितिको निर्णय
ज्योतिषले जोगाउलान् नि अब यिनलाई
अख्तियारबाट डिजी फर्केपछि अड्डामा सबै न्युज पोर्टलमाथि प्रतिवन्ध
ट्रेन्डिङ पोस्ट
टिप्पणीहरू