परिवर्तनको पहिरोमा चालक जोगिए, दुई बालक पुरिए

रोल्पाको परिवर्तन गाउँपालिका–५ दाउने भिरमा स्काभेटरले सडक खनिरहेको ठाउँबाट खसेको पहिरोमा दुई बालक पुरिएका छन् ।

आज बिहान ९ बजे स्थानीय ७ वर्षीय डेबिड खड्का र २ वर्षीय इशान खड्का पहिरोमा पुरिएको जिल्ला प्रहरी कार्यालय रोल्पाले जनाएको छ । उनीहरु सडकमा खेलिरहेका बेला पहिरो झरेको थियो ।

पुरिएका बालकहरुको स्थानीयको सहयोगमा प्रहरी टोलीले खोजी कार्य जारी राखेको छ । करिब दुई घण्टासम्म खोज्दा पनि ती बालक फेला परेका छैनन् ।

प्रहरीका अनुसार स्काभेटर रोकेर अपरेटर खाना गएका थिए । सोही अवस्थामा माथिबाट पहिरो खसेको हो ।