दुई मोटरसाइकल ठोक्किँदा वली रहेनन्

बाँकेको कोहलपुर नगरपालिका–२ मनकामना चोकमा भएको मोटरसाइकल दुर्घटनामा एक जनाको मृत्यु भएको छ ।

कोहलपुरबाट सुर्खेत जाँदै गरेको भे. १० प २७११ नम्बरको मोटरसाइकल र विपरित दिशाबाट आउँदै गरेको लु. ८४ प १६१७ नम्बरको मोटरसाइकल हिजो बेलुकी पौने ८ बजे ठोक्किएका थिए । दुर्घटनामा गम्भीर घाइते भएका १६१७ नम्बरको मोटरसाइकल चालक बर्दियाको सानोश्रीका ४१ वर्षीय सूर्यप्रकाश वलीको उपचारका क्रममा स्थानीय मेडिकल कलेजमा मृत्यु भएको हो ।

अर्का मोटरसाइकल चालकलाई नियन्त्रणमा लिइ अनुसन्धान भइरहेको इलाका प्रहरी कार्यालय कोहलपुरले बताएको छ ।