पाँचथरमा भीरबाट लडेर बृद्धको मृत्यु

पाँचथरको मिक्लाजुङ गाउँपालिका ६ लिम्बाका ७१ वर्षीय रिंकनाथ आङबुहाङको भीरबाट लडेर मृत्यु भएको छ । घरबाट शनिबार बिहान स्थानीय कन्याटार बजार गएका उनी साँझसम्म पनि नर्फेपछि खोजतलास गर्ने क्रममा उनको शव भीरबाट लडेको अवस्थामा भेटिएको इलाका प्रहरी कार्यालय रविले जनाएको छ । आङबुहाङको शव पोष्टमार्टमका लागि आधारभूत अस्पतालमा ल्याउनका साथै घटनाबारे अनुसन्धान सुरु गरिएको प्रहरीले जनाएको छ