सडकमा हिँडिरहेका श्रवणकुमारको निधन, अनियन्त्रित जिप रुखमा

सुनसरीमा जिपको ठक्करबाट एक पैदलयात्रीको निधन भएको छ । आज बिहान कोशी गाँउपालिका–५ स्थित सडकमा को २ च ३९९२ नम्बरको जिपले ठक्कर दिँदा १८ वर्षीय श्रवण कुमार मेहेताको प्राण गएको हो ।

जिपको ठक्करबाट गम्भीर घाइते भएका कोशी गाँउपालिका–७ का श्रवणकुमारको उपचारका क्रममा विराटनगरस्थित विराट नर्सिङ होममा मृत्यु भएको प्रहरीले जनाएको छ । दुर्घटनामा अरु ६ जना घाइते भएका छन् ।

घाइते भएका जिप चालकसहित सबैको सोही अस्पतालमा उपचार भइरहेको छ । जिल्ला प्रहरी कार्यलय सुनसरीका अनुसार घाइतेमध्ये २ जनाको अवस्था गम्भीर छ ।

पैदल हिँडिरहेका श्रवणकुमारलाई हानेर अनियन्त्रित भई जिप सडक छेउको रुखमा गएर ठोकिएको थियो ।