वर्कसपमा आगलागी हुँदा मोटरसाइकल खरानी

लमजुङमा मोटरसाइकल वर्कसपमा आगलागी भएको छ । जिल्लाको सुन्दरबजार नगरपालिका-९ सिउडिबार धारापानीमा रहेको अधिकारी मोटरसाइकल वर्कसपमा आज बिहान अन्दाजी पौने ५ बजे आगलागी भएको हो ।

आगलागी हुँदा ७ वटा पुरानो कवाडी मोटरसाइकल, सर्भिसिङका लागि राखिएको एउटा मोटरसाइकल र २ वटा स्कुटर पूर्णरुपमा जलेको जिल्ला प्रहरी कार्यलय लमजुङका सूचना अधिकारी जगदीश रेग्मीले जानकारी दिए ।

सिसीटिभी फुटेजमा देखिएको दृश्यलाई हेर्दा विद्युतको पोलमा तार सर्ट भएर आगालागी भएको देखिएको छ । आगालगीको सूचना पाएलगत्तै प्रहरी र स्थानीय मिलेर आगो नियन्त्रणमा लिएका थिए ।