सडकबाट बस खस्यो, २५ घाइते

सुनसरीको कोसी गाउँपालिका–७ हरिपुरमा गए राति भएको बस दुर्घटनामा चालकसहित २५ जना घाइते भएका छन् ।

पूर्वबाट पश्चिमतर्फ जाँदै गरेको ना.५ख ६५६४ नम्बरको बस सडक किनारको खाल्डोमा खसेको थियो ।साइकलमा सवार यात्रुलाई जोगाउने क्रममा बस अनियन्त्रित भई खसेको हुनसक्ने प्रहरीले जानकारी दिएको छ ।

घाइतेहरुको जिल्ला अस्पताल इनरुवा, सैनिक अस्पताल इटहरी र विराटनगरमा उपचार भइरहेको छ ।

घाइतेमध्ये दुई जनाको अवस्था गम्भीर छ । घटनाबारे प्रहरीले अनुसन्धान थालेको बताइएको छ ।