मोटरसाइकल दुर्घटनामा चालक बिते

कैलालीमा मोटरसाइकल दुर्घटना हुँदा एक जनाको ज्यान गएको छ । गोदावरी नगरपालिका–६, लालपुरस्थित पूर्व–पश्चिम सडकखण्डमा गएराति मोटरसाइकल दुर्घटना हुँदा चालकको मृत्यु भएको हो ।

मृत्यु हुनेमा बाजुराका ३७ वर्षीय हिक्मतबहादुर रावल हुन् । दुर्घटनामा परि गम्भीर घाइते भएका उनको सेती प्रादेशिक अस्पताल धनगढीमा उपचारका क्रममा निधन भएको प्रहरीले जनाएको छ ।

सुदुर पश्चिम प्रदेश ०१–०१०–प ९६०३ नम्बरको मोटरसाइकल राति साढे १० बजे दुर्घटना भएको हो ।