भिक्षुचोकमा साइकलयात्री बिते

कपिलवस्तुमा ट्रिपरको ठक्करबाट साइकलयात्रीको ज्यान गएको छ । दुर्घटनामा कपिलवस्तु नगरपालिका ३, भिक्षुचोक बस्ने ४० वर्षीय फुलचन्द गुप्ताको मृत्यु भएको हो ।

ट्रिपरको ठक्करबाट गम्भीर घाइते भएका उनको उपचारको क्रममा जिल्ला अस्पताल तौलिहवामा मृत्यु भएको प्रहरीले जनाएको छ ।

भैरहवाबाट गोरुसिङ्गेतर्फ जाँदै गरेको बागमती प्रदेश ०३ ००१ क ०३०९ नम्बरको ट्रिपरले गुप्ता सवार साइकललाई आज बिहान ११ बजे ठक्कर दिएको हो । ट्रिपरसहित चालकलाई वडा प्रहरी कार्यालय तौलिहवाले नियन्त्रणमा लिएको छ ।