चप्पल कारखानामा टिपरले मान्छे मार्यो

काठमाडौं महानगरपालिका–३ चप्पल कारखाना नजिकै गएराति ट्रिपरको ठक्करबाट अन्दाजी ३० बर्षीय पैदलयात्रीको मृत्यु भएको छ । मृत्यु हुने व्यक्तिको सनाखत हुन बाँकी रहेको प्रहरीले जनाएको छ ।

महाराजगन्ज चोकबाट धुम्बाराहीतर्फ जाँदै गरेको बा २ क ८८७१ नम्बरको टिपरले राती ११ बजे पैदलयात्रीलाई ठक्कर दिएको थियो ।

टिपरको ठक्करबाट गम्भीर घाइते भएका उनलाई महाराजगञ्ज स्थित त्रि.वि शिक्षण अस्पताल पुर्याउनसाथ चिकित्सकले मृत घोषणा गरेको थियो ।

टिपरसहित चालकलाई प्रहरी वृत्त महाराजगन्जले नियन्त्रणमा लिएको छ ।