खोलाले टेम्पो बगाउँदा एउटी किशोरी बगिन्, अर्की जोगिइन्
सुनसरीमा खोलाले टेम्पो बगाउँदा एक जनाको मृत्यु भएको छ । बराहक्षेत्र नगरपालिका–१ बगुवामा को.२ ह ८९८५ नम्बरको टेम्पोलाई खोलाले बगाउँदा टेम्पोमा सवार चतरा १ बस्ने १७ वर्षीया स्टिफिना राईको मृत्यु भएको हो ।
सोही टेम्पोमा रहेकी रसुवाको गोसाईंकुण्ड गाउँपालिका–६, धुञ्चेकी १८ वर्षीया आनिया तामाङ घाइते भएकी छन् । चतरा अस्पतालमा सामान्य उपचारपछि उनी डिस्चार्ज भएकी छन् ।
टेम्पो खोलाले बगाएको भन्ने खबर पाएपछि उद्धारमा इलाका प्रहरी कार्यालय चतरा, इलाका प्रहरी कार्यालय महेन्द्रनगर र सशस्त्र प्रहरी बलको बेसक्याम्प चतराबाट संयुक्त टोली खटिएको थियो । टोलीले राईको शव झण्डै छ सय मिटर तल फेला पारेको हो ।
घटनाबारे अनुसन्धान गर्न प्रहरीले टेम्पो चालकलाई नियन्त्रणमा लिएको छ ।
ट्रेन्डिङ पोस्ट
टिप्पणीहरू