साइकल चढेकी विमलाको बसको ठक्करबाट निधन

कञ्चनपुरको बेदकोट नगरपालिका–७ मा आज बिहान बसको ठक्करबाट साइकलयात्रीको ज्यान गएको छ । दुर्घटनामा शुक्लाफाँटा नगरपालिका–६ झलारीकी ३० वर्षीया विमलादेवी जोशीको मृत्यु भएको हो ।

जोशी सवार साइकललाई ना. ४ ख ८०७७ नम्बरको बसले आज बिहान ९ बजे ठक्कर दिएको वडा प्रहरी कार्यालय महेन्द्रनगरले जनाएको छ ।

ठक्करबाट गम्भीर घाइते भएकी उनलाई उपचारको निम्ति महाकाली प्रादेशिक अस्पताल पुर्याएलगत्तै चिकित्सकले मृत घोषणा गरेका थिए । बस चालकलाई जिल्ला प्रहरी कार्यालय कञ्चनपुरले नियन्त्रणमा लिएको छ ।