भीरबाट जिप गुल्टियो, वडाध्यक्षसहित ६ जना घाइते

बझाङमा जिप दुर्घटना हुँदा छ जना घाइते भएका छन् । दुर्गाथली गाउँपालिका–३, रकैलतर्फ गइरहेको सुदूरपश्चिम प्रदेश ०१००१ ज १३९९ नम्बरको जिप सडकबाट करिब ६० मिटर तल खस्दा चालकसहित छ जना घाइते भएका छन् ।

जिल्ला प्रहरी कार्यालय बझाङका अनुसार दुर्घटनामा घाइते दुर्गाथली गाउँपालिका–५ का वडाध्यक्ष ४५ वर्षीय वकिल जप्रेल घाइते भएका छन् । अन्य घाइतेमा दुर्गाथली–७ का ४० वर्षीय चालक रुपाल जप्रेल, ५२ वर्षीय उद्धव सिंह, ४० वर्षीय विष्णुबहादुर दौल्याल, दुर्गाथली गाउँपालिका शिक्षा शाखा संयोजक बैतडीको सुनर्या गाउँपालिका–२ घर भएका ४५ वर्षीय ललितकुमार पाण्डे र दुर्गाथली–४ का ४८ वर्षीय खगेन्द्र मिश्र हुन् ।

घाइतेहरूको हात, खुट्टा, टाउको, कम्मरमा चोट लागे पनि अवस्था सामान्य रहेको प्रहरीले जनाएको छ । उनीहरुलाई उपचारको निम्ति जिल्ला अस्पताल सिमखेत लगिएको छ ।