कोटेश्वरमा सवारी दुर्घटना : एकको मृत्यु, अर्का घाइते

कोटेश्वरमा आज साँझ सवारी दुर्घटना भएको छ । दुर्घटनामा एक जनाको मृत्यु भएको छ भने अर्का एक जना घाइते भएका छन् । कोटेश्वरबाट बालकुमारीतर्फ जाँदै गरेको बा २ ख १२३१ नम्बरको माइक्रोबसले किच्दा पैदल यात्रुको मृत्यु भएको हो ।

उनको उपचारका क्रममा बी एण्ड बी अस्पतालमा मृत्यु भएको प्रहरीले जनाएको छ । मृतकको सनाखत हुन सकेको छैन ।

दुर्घटनापछि माइक्रोबसले दायाँतर्फ च्याप्दा बालकुमारीबाट आएको प्रदेश ३–००६ ख ०२९५ नम्बरको ट्रकसँग ठोक्किन पुगेको थियो ।

दुर्घटनामा माइक्रोबसको अगाडिको भाग क्षतविक्षत भएको छ । दुर्घटनापछि माइक्रोबस चालक फरार छन् । घाइते सहचालकको सिभिल अस्पतालमा उपचार भइरहेको प्रहरीले जनाएको छ ।