दोलखामा यात्रुवाहक बस जुध्दा डेढ दर्जनबढी घाइते

दोलखामा यात्रुवाहक बस जुध्दा डेढ दर्जन यात्रु घाइते भएका छन् । भीमेश्वर नगरपालिका ८ मा यात्रुवाहक बस एकआपसमा जुधेको हो ।

सदरमुकाम चरिकोटबाट काठमाडौंतर्फ आउँदै गरेको प्रदेश–३–०१–००५ ख ९६९७ नम्बरको बस र काठमाडौंबाट उखुबारी जाँदै गरेको बा. ३ ख ७४६३ नम्बरको बस एकआपसमा जुधेको हो ।घुम्तीमा बस जुध्दा धेरै यात्रु घाइते भएका हुन् । घाइते हुनेमा तीर्थबहादुर धामी, शोभा भुजेल, जीवन मोक्तान, बबिता खड्का, नख खड्का, भक्त केसी, बाबुराम कामीलगायत छन् ।

घाइतेहरुको चरिकोटस्थित विभिन्न अस्पतालमा उपचार भइरहेको छ । प्रहरीका अनुसार उनीहरुको अवस्था सामान्य छ ।