मोटरसाइकल दुर्घटनामा चालक बिते

काठमाडौंको बालाजुमा मोटरसाइकल दुर्घटना हुँदा चालकको ज्यान गएको छ । आज बिहान बागमती प्रदेश ०२–०२३ प ३७७५ नम्बरको मोटरसाइकल अनियन्त्रित भई सडकको रेलिङमा ठोक्किँदा काठमाडौं लोलाङ बस्ने २२ वर्षीय सविन परियारको मृत्यु भएको हो ।

उनको पिपुल्स अस्पताल नयाँबजारमा उपचारको क्रममा मृत्यु भएको प्रहरी बृत्त लेनचौरले जनाएको छ । दुर्घटनामा घाइते भएका अर्का एक जनाको सोही अस्पतालमा उपचार भइरहेको छ ।