रामेछाप बस दुर्घटनामा मृतक संख्या १३ पुग्यो (अपडेट)

रामेछापको सुनापाती गाउँपालिकास्थित लुभुघाटमा भएको बस दुर्घटनामा मृत्यु हुनेको संख्या १३ पुगेको छ ।

रामेछापबाट काठमाडौंतर्फ आउँदै गरेको बा. ३ ख ८६९६ नम्बरको बस आज बिहान लुभुघाटमा दुर्घटना हुँदा घटनास्थलमा नौ जना र चार जनाको उपचारको क्रममा मृत्यु भएको गाउँपालिका अध्यक्ष ठूलोकान्छा तामाङले जानकारी दिनुभयो ।

उहाँका अनुसार मृतकको सनाखत भइसकेको छैन । दुर्घटनामा घाइते भएका २१ जनाको काभ्रेको धुलिखेल र बनेपामा उपचार भइरहेको छ ।

रामेछापको हिलेदेवीबाट छुटेको बस बिहान १० बजतिरे लुभुघाटमा दुर्घटनामा परेको हो ।