चट्याङपछि गोठमा आगलागी

चितवनमा चट्याङका कारण एउटा गोठमा आगो लागेको छ । आज अपरान्ह ५ बजेको समयमा परेको चट्याङबाट खैरहनी ६, पोखरेल टोलमा खसेको चट्याङले गंगा राना मगरको घरसँगै टाँसिएको गाईगोठमा अचानक आगलागी भएको हो ।

इलाका प्रहरी खैरहनीबाट खटिएको प्रहरी टोली, दमकल र स्थानीयको सहयोगमा आगलागी नियन्त्रणमा आएको बताइको छ । मानवीय र पशुचौपायको क्षति भएको छैन । तर गोठभित्रको पराल र बाँस जलेको प्रहरीले जानकारी दिएको छ ।