करेन्ट लागेर दुई जनाको मृत्यु
सिन्धुपाल्चोक र सिन्धुलीमा करेन्ट लागेर दुई जनाको ज्यान गएको छ ।
सिन्धुपाल्चोकको बाह्रबिसे नगरपालिका–६, जम्बुमा सोही नगरपालिका–८ का २१ वर्षीय दिपक भण्डारीको हिजो साँझ करेन्ट लागेर मृत्यु भएको हो ।
त्रिवेणी व्रम्हायणी कन्ट्रक्सन प्रालिको स्काभेटरको बकेट उठाई डिजेल हाल्ने क्रममा बिजुलीको तारमा बकेटले छुँदा करेन्ट लागी उनको मृत्यु भएको हो ।
सिन्धुलीको दुधौली नगरपालिका–७, सिमराई बस्ने ३४ वर्षीया सबिना बिकको पनि हिजो करेन्ट लागेर मृत्यु भएको छ ।
ठूलो बुबाको घरबाट आफ्नो घर फर्कने क्रममा बाटोमा लत्रिएको तारमा छुँदा उनी करेन्ट लागेर गम्भीर घाइते भएकी थिइन् ।
उनको कटारी अस्पतालमा पछि उपचारको क्रममा मृत्यु भएको प्रहरीले जनाएको छ ।
ट्रेन्डिङ पोस्ट
टिप्पणीहरू