भारतीय सेनाका एक दर्जन जर्नेल नेपाल आउँदै

भारतीय सेनाका प्रमुख मनोज पाण्डेसहित झण्डै एक दर्जन पूर्व प्रमुखहरु नेपाल आउने भएका छन् । पाण्डेसहित ११ जना पूर्व सेना प्रमुखहरु नेपालको चार दिने भ्रमणमा आउन लागेका हुन् ।

नेपाली सेनाको २६० औं स्थापना दिवस समारोहमा सहभागी हुन उनीहरुलाई आमन्त्रण गरिएको बताइएको छ । चार दिने नेपाल भ्रमणमा भारतीय जर्नेलहरुको फागुन ५ गते काठमाडौ आउने कार्यक्रम छ ।

सेनाले महाशिवरात्रीको दिन सेना दिवस मनाउने गरेको छ । यो वर्ष फागुन ६ गते शनिबारका दिन महाशिवरात्री पर्व परेको छ ।