पैसाको पोकोसहित सीमा नजिकै जाबिर पक्राउ
धनुषामा स्रोत नखुलेको अवैध रकमसहित एकजना समातिएका छन् । धनुषाधाम नगरपालिका– ७ का ३८ वर्षीय जाबिर राईनलाई प्रहरीले हिजो दिउँसो पक्राउ गरेको हो ।
उनी नगराईन नगरपालिका– २ बाट स्रोत नखुलेको ४ लाख ६ हजार ११५ नेपाली रुपैयाँ र ८ हजार १६० भारुसहित समातिएको प्रहरीले जनाएको छ । ईलाका प्रहरी कार्यालय लग्मा जटहीबाट खटिएको प्रहरी टोलीले उनलाई भारतबाट नेपालतर्फ आउँदै गर्दा प्रदेश २–०२–००४ प ७५३४ नम्बरको मोटरसाइकल जाँच गर्ने क्रममा पक्राउ गरेको बताइएको छ ।
पक्राउ परेका उनलाई आवश्यक कारबाहीका लागि भन्सार कार्यालय जनकपुर पठाएको प्रहरीले जनाएको छ ।
टिप्पणीहरू