इद पर्वमा इस्लाम संस्कृतिको मोबाइल रिंगटोन राख्न आग्रह

इस्लाम धर्मावलम्वीहरुको इद पर्वका अवसरमा एनसेल तथा नेपाल टेलिकम नेटवर्कमा इस्लाम संस्कृतिको रिङ्गटोन राख्न आग्रह गर्दै मुस्लिम आयोगमा निवेदन हालिएको छ । मधेश प्रदेशका मोहम्मद अमीन अलीले सो अवसरमा एनसेल तथा नेपाल टेलिकम नेटवर्कमा इस्लाम संस्कृतिको रिङ्गटोन राख्न माग गरेका हुन् । 

आगामी बैशाख १० र ११ गते इस्लामी धर्मावलम्बीहरुको इद पर्वको अवसरमा टेलिकम नेटवर्कमा इस्लाम संस्कृतिको कलब्याक ट्युन राख्नुपर्ने उनको भनाइ छ ।उनले निवेदनमा लेखेका छन्, ‘इस्लाम धर्मावलम्वीहरुको पवित्र एक महिने रमजानको व्रत चलिरहेको र वैशाख १०–११ गते ठूलो महान चाड पर्व इद रहेको हुँदा एनसेल तथा नेपाल टेलिकम नेटवर्कमा इस्लाम संस्कृति अनुसारको कल ब्याक ट्युन (सिआरबिटी) राखिदिनुहुनका लागि आग्रह गरिदिनुहुन विनम्र अनुरोध गर्दछु ।’