आधा दर्जन ब्रोकर कार्यालयमा तालाबन्दी,खोल्ने प्रयास नगर्न चेतावनी

सरकारको पछिल्लो कर नीतिविरुध्द आन्दोलनमा उत्रिएका सेयर लगानीकर्ताहरुले राजधानीका आधा दर्जन ब्रोकर कार्यालयमा ताला लगाएका छन् । 

उनीहरुले आज बिहान ९ बजे डाइनामिक मनी म्यानेजर्स सेक्युरिटिज (स्टक ब्रोकर नम्बर ४४), क्रिस्टल कञ्चनजंघा सेक्युरिटिज (स्टक ब्रोकर नम्बर ५०), प्रिमियर सेक्युरिटिज (स्टक ब्रोकर नम्बर ३२) मा ताला लगाएका हुन् । त्यसैगरी दिव्य सेक्युरिटिज (स्टक ब्रोकर नम्बर ५९), कालिका सेक्युरिटिज (स्टक ब्रोकर नम्बर ४६) र स्वेता सेक्युरिटिज (स्टक ब्रोकर नम्बर २५) मा पनि तालाबन्दी गरिएको जानकारी दिएका छन् ।

बिहीबारदेखि थालिएको आन्दोलनलाई अझ सशक्त बनाउन लगानीकर्ताहरुको टोली आज बिहानैदेखि ब्रोकर कार्यालयमा तालाबन्दी गर्न खटिएको छ । उनीहरुले ताला खोल्ने प्रयास गरिएमा नराम्रो हुने चेतावनी दिएको ब्रोकर कार्यालयका कर्मचारीहरुले बताएका छन् ।