हाङ्चौ पुगेपछि पत्रकारहरु मोहित, अवकाशपछि उतै बस्ने इच्छा

चीनको हाङ्चौमा आयोजित १९ औं एसियाली खेलकुदमा रिपोर्टिङ गर्न पुगेका पत्रकारहरुले प्रतियोगिता भव्य रुपमा सम्पन्न भएको बताएका छन् । उनीहरुले उत्कृष्ट खेल आयोजना गरेकोमा चीनलाई धन्यवाद दिएका छन् ।

त्यस्तै मध्येका एक हुन् मोहम्मद यासिर । माल्दिभ्सका उनले हाङ्चौ शहर निकै मनपरेको बताए । चिनियाँहरु एकदमै मिलनसार र सहयोगी सुनाउँदै भने,‘म चीनलाई धेरै मायाँ गर्छु । छिट्टै हाङ्चौको भ्रमण गर्नेछु । यसका लागि चीनलाई धेरै धेरै धन्यवाद ।’

मोजा निसिन ट्यान अवकाशपछि हाङ्चौमा बस्न चाहेको बताउँछिन् । यहाँको वातावरणले मोहित बनाएको उल्लेख गर्दै भन्छिन्,‘यो शहर निकै सुन्दर छ । यहाँको वातावरणले मलाई मन्त्रमुग्ध पार्यो ।’

हाङचौबासीहरु निकै नम्र भएको अनुभव अर्का पत्रकार काइल भिन्सेन्ट सोबेरान्डको पनि छ । उनीहरुको न्यायो स्वागत र आतिथ्यले आफ्नोपनको महशुस गराएको उनले बताए । खेलप्रति चिनियाँ प्रशंसकहरुको लगाव देखेर आश्चर्यचकित बनेको उनले सुनाए ।

भन्छन्, ‘सबै खेलमा प्रशंसकको धेरै चाप थियो । खेलप्रति उहाँहरुको पागलपन तारिफयोग्य थियो ।’ अहमद मोहम्मदले एसियाली खेलकुदमा माल्दिभ्सलाई प्रतिनिधित्व गर्ने अवसर दिएकोमा पनि धन्यवाद दिएका छन् । 

त्यस्तै, इरानको राष्ट्रिय बास्केटबल टोलीका खेलाडी मोहम्मद सहरिनले खेलको अनुभव सुनाए । ‘खेल एकदमै रोचक थियो । धेरै धेरै धन्यवाद ।’