जीपको ठक्करबाट मोटरसाइकलमा सवार शिक्षक र लेखापालको मृत्यु

चितवनमा जिपको ठक्करबाट मोटरसाइकलमा सवार दुई जनाको मृत्यु भएको  छ । हिजो साँझ माडी नगरपालिका–१, बरुवास्थित चिताई खोलाको पुलमा भएको दुर्घटनामा शिक्षक बेगबहादुर खत्री र लेखापाल भवानीप्रसाद पौडेलको ज्यान गएको बताइएको छ । 

लु.२ च २५०८ नम्बरको जीपले बागमती प्रदेश ०६००१ प ४०९३ नम्बरको मोटरसाइकलालाई ठक्कर दिँदा सोमेश्वर माध्यमिक विद्यालयका लेखापाल सूर्य अधिकारी र मोटरसाइकल पछाडि सवार शिक्षक बेगबहादुर खत्रीको निधन भएको हो । अर्का शिक्षक भवानीप्रसाद पौडेल घाइते भएका छन् ।

प्रहरीका अनुसार मृतक पौडेल माडी नगरपालिका–१ निवासी र खत्री सुर्खेतको सिन्ता गाउँपालिका–३ आग्रीगाउँका हुन् । स्याङ्जाका पौडेलको पुरानो मेडिकल कलेज भरतपुरमा उपचार भइरहेको छ ।