नवलपुरमा बाघले सासुबुहारीको ज्यान लियो

नवलपुरको विनयी त्रिवेणी गाउँपालिकामा बाघको आक्रमणबाट सासुबुहारी दुबैको ज्यान गएको छ । हिजो दिउँसो घाँस काट्नसँगै गएका सासुबुहारीको शव आज फेला परेको छ ।

जिल्ला प्रहरी कार्यालय नवलपसारीका अनुसार दुबैको शव बाघले खाएपछि क्षतविक्षत अवस्थामा फेला परेको हो । स्थानीय ५९ वर्षीया मनादेवी पौडेल र २९ वर्षीया विष्णु पौडेललाई बाघले खहरे जंगलमा आक्रमण गरेको हो ।