झडपमा घाइते सशस्त्र प्रहरीका सवारी चालकको अवस्था गम्भीर
झापामा स्थानीय र सीमा क्षेत्रमा खटिएको सशस्त्र प्रहरी बलबीच झडप भएको छ ।
मेचीनगर नाका नजिकै सामान ओेसारपसार गर्दै आएका स्थानीयसँग सशस्त्रको झडप भएको बताइएको छ ।
घटनामा सशस्त्र प्रहरीसहित सात जना घाइते भएका छन् । तीमध्ये सशस्त्र प्रहरीका सवारी चालकको अवस्था गम्भीर रहेको प्रहरीले जनाएको छ ।
हिजो बेलुकी भारतबाट अवैध रुपमा सामान ल्याउँदै गर्दा सशस्त्रले उनीहरुलाई रोक्न खोज्दा झडप भएको हो । त्यसपछि स्थानीयले आक्रमण गरेको सशस्त्रले जनाएको छ ।
घाइतेहरुको बिएण्डसी अस्पतालमा उपचार भइरहेको छ । घाइते भएकामा दीपा बातर, हरि बातर, विशेष राजवंशी, मिलन चापागाईं, दीपक बातर र आनह यादव हुन् ।
जिल्ला प्रहरी कार्यालय झापाका अनुसार प्रस्तावित सीमा सुरक्षा गुल्म, काँकडभिट्टाको टोलीसँग स्थानीयको झडप भएको हो ।
ट्रेन्डिङ पोस्ट
टिप्पणीहरू