नारायणगढ–मुग्लिन सडकको पहिरोमा दुइटा यात्रु बस बग्यो, पोखरामा एकै घरका सातजनाको मृत्यु

नारायणगढ–मुग्लिन सडक खण्डमा आएको लेदोसहितको पहिरोले दुइटा यात्रु बस बगाएको छ । सिमलतालमा गएको पहिरोले आज बिहान साढे ३ बजेतिर दुईवटा यात्रुवाहक बस बगाएर त्रिशुली नदीमा पुर्याएको छ । 

चितवन जिल्ला प्रहरी कार्यालयका अनुसार वीरगञ्जबाट काठमाडौँ गइरहेको एन्जल बसमा २४ जना र काठमाडौंबाट गौर आइरहेको गणपति डिलक्समा ४१ जना यात्रु सवार थिए ।

नजिकैको सत्र किलोमा गएको पहिरोमा अर्को बसमा ढुंगा लाग्दा चालकको निधन भएको छ । नवलपरासीको सुनवल– ४ का चालक मेघनाथ विकको उपचारको क्रममा ज्यान गएको हो ।

उता पोखरामा पहिरोमा परी एकै घरका छोरी÷ज्वाइँसहित सात जनाको मृत्यु भएको छ । पोखरा– १९ पुरुन्चौर तल्लोकोटका कुलबहादुरका परिवार, छोरी÷ज्वाइँको पहिरोमा मृत्यु भएको हो ।

प्रहरीका अनुसार ४६ वर्षीय कुलबहादुर परियार, ४३ वर्षीया मनकुमारी, ८५ वर्षीया लक्ष्मी, १५ वर्षीया प्रशना, चितवनका ज्वाइँ २५ वर्षीय अस्मित परियार, २० वर्षीया प्रभा परियार र ५६ वर्षीया राधिका परियारको मृत्यु भएको हो । 

पहिरोले बस बगाएको खबरलगत्तै सशस्त्र प्रहरी बलको नम्बर १७ गणको टोली उद्धारका लागि घटनास्थल पुगेको थियो । एसपी राजेश खरेलको कमाण्डमा २७ जनाको टोली मुग्लिनबाट झण्डै १७ किलोमीटर दूरीको सिमताल पुगेको हो । बसलाई पहिरोले बगाएपछि तीन जना यात्रु झरेको बताइन्छ ।