खानेपानीका सबइञ्जिनियर बर्खास्त

नेपाल खानेपानी संस्थानका सबइञ्जिनियर सुनिलकुमार पूर्वेलाई सेवाबाट हटाइएको छ । संस्थानको भैरहवा शाखामा कार्यरत उनलाई सेवाबाट हटाइएको जानकारी दिइएको छ ।

संस्थानको प्रधान कार्यालयले प्रकाशित गरेको सूचनामा सबइञ्जिनियर पूर्वेलाई सेवाबाट हटाइएको उल्लेख छ । 

लामो समयदेखि बिना जानकारी कार्यालयमा अनुपस्थित हुनुको कारणसहित उपस्थित हुन पटकपटक जारी सूचनाको सम्पर्कमा नआएपछि बर्खास्त गरिएको संस्थानले जनाएको छ । 

‘तोकिएको अवधिभित्र कार्यालयमा सम्पर्क गर्न नआएको हुँदा तपाईँलाई नेपाल खानेपानी संस्था कर्मचारी सेवा शर्तसम्बन्धी विनियमावली, २०४९ को (दशौं संशोधन सहितको विनियम ३५ (क) बमोजिम सेवाबाट हटाइएको,’ सूचनामा उल्लेख छ ।