जहाज दुर्घटनाका मृतकको शव परिवारलाई जिम्मा
सौर्य एयरलाइन्सको जहाज दुर्घटना ज्यान गुमाएकाहरुको शव आफन्तलाई बुझाइएको छ ।
त्रिवि शिक्षण अस्पतालले पोष्टमार्टमपछि शव पहिचान गर्दै आफन्तलाई हस्तान्तरण गरेको हो । अहिलेसम्म पाँच शव परिवारले बुझेका छन् ।
को-पाइलट सुशान्त कटुवालसहित अन्य चार जनाका परिवारले शव बुझिसकेको अस्पतालले जनाएको छ । कतिपय मृतकका परिवारले भने क्षतिपूर्ति र बीमाको विषयमा सहमति नभएकोले शव बुझ्न मानेका छैनन् ।
बुधबार त्रिभुवन अन्तर्राष्ट्रिय विमानस्थलमा सौर्य एयरको जहाज दुर्घटना हुँदा १८ जनाले ज्यान गुमाएका थिए । पाइलट मनिषरत्न शाक्यको भने सिनामंगलस्थित केएमसी अस्पतालमा उपचार भइरहेको छ ।
ट्रेन्डिङ पोस्ट
टिप्पणीहरू