विद्यार्थी बोकेको बस पल्टियो : दुई दर्जन घाइते, चालक फरार

पोखरामा विद्यार्थी सवार बस दुर्घटना हुँदा २४ जना घाइते भएका छन् । बिरौटाको एलपी देवकोटा स्कुलको ग.१ क ६२१९ नम्बरको बस फुस्रेखोला नजिकैको सडकबाट तल खसेको छ । 

घाइतेमध्ये दुई जनाको अवस्था गम्भीर रहेको बताइएको छ । उनीहरूको पोखरास्थित गण्डकी मेडिकल कलेज र नमस्ते अस्पतालमा उपचार भइरहेको छ । 

जिल्ला प्रहरी कार्यालय, कास्कीका प्रवक्ता वसन्तकुमार शर्माका अनुसार बसका चालक फरार छन् । घटनाको अनुसन्धान थालिएको छ ।