पोडेटोलमा पुजारीमाथि खुँडा प्रहार
काठमाडौँको ढल्कुस्थित पोडेटोलमा दुई जनामाथि खुँडा प्रहार भएको छ ।
प्रहरीका अनुसार आज दिउँसो साढे ३ बजेतिर स्थानीय ३५ वर्षीय विक्रम पुजारी र वर्ष ४० का दिनेश पुजारीलाई किरण पुजारीले तरबार र खुँडाले हानेका हुन् । ८/१० जनाको समूह लिएर विक्रम र दिनेशको घरमै पुगेका किरणले अन्धाधुन्द आक्रमण गरेको बताइएको छ ।
खुँडा प्रहारबाट घाइते भएका दुवै जनाको राष्ट्रिय ट्रमा सेन्टरमा उपचार भैरहेको छ । विक्रमको टाउकोमा गहिरो चोट लागेको र अवस्था नाजुक रहेको छ भने दिनेशको दाँया हात काटिएको बताइएको छ ।
त्यस्तै,आक्रमणकारी किरणलगायत दुई जनालाई महाराजगञ्जस्थित टिचिङ अस्पताल पुर्याइएको छ ।
स्थानीयबीच पुरानो रिसइबीका कारण घटना घटेको प्रहरीले जानकारी दिएको छ ।
ट्रेन्डिङ पोस्ट
टिप्पणीहरू