रेड कर्नर नोटिसवाला अभियुक्त काठमाडौंमा पक्राउ

हत्या तथा संगठित अपराधसम्बन्धी कसूर मुद्दाका एक जना अभियुक्त त्रिभुवन अन्तर्राष्ट्रिय विमानस्थलमा समातिएका छन् । संयुक्त अरब इमिरेट्सबाट फर्केका तुलबहादुर सिन्जालीलाई विमानस्थलको आगमन कक्षमा गएराति २ बजे नियन्त्रणमा लिइएको बुझिएको छ ।

नेपाल प्रहरी,इन्टरपोल शाखाको २०७४ पुस १७ गतेको पत्रानुसार सिन्जालीविरुद्ध रेड नोटिस तथा डिफ्युजन नोटिस जारी गरिएको थियो । राहदानी नम्बर पीए २७८०३८१ वाहक उनी गएराति एअर अरेबियाको उडान नम्बर जी ९५३२ मा नेपाल आएका थिए । 

प्रहरीले नियन्त्रणमा लिएपछि विमानस्थलस्थित हिरासत कक्षमा राखेर सोधपुछ गरेपछि आवश्यक प्रक्रिया अघि बढाइएको हो ।