भूतपूर्व डेपुटी गभर्नर काफ्लेको निधन
नेपाल राष्ट्र बैंकका भूतपूर्व डेपुटी गभर्नर गोपाल काफ्लेको निधन भएको छ । उनी लामो समयदेखि अशक्त थिए ।
काठमाडौं मण्डिखाटार निवासी काफ्ले अवकाशपछि पारिवारिक रुपमा एक्लै रहेको निकटस्थहरुले बताएका छन् । उनको परिवार झण्डै दुई दशकदेखि अमेरिकामा बस्दै आएको छ ।
तत्कालीन गभर्नर डा. युवराज खतिवडाले आफ्नो कार्यकालमा काफ्लेलाई डेपुटीमा नियुक्तिका लागि सिफारिस गरेका थिए । नेपाली काँग्रेसका तर्फबाट काफ्ले र एमालेको तर्फबाट महाप्रसाद अधिकारी डेपुटी नियुक्त दुबै जनाको पदावधि गभर्नर चिरञ्जीवी नेपालको नियुक्तिपछि २०७२ पुसमा सकिएको थियो ।
ट्रेन्डिङ पोस्ट
टिप्पणीहरू