विमानस्थलनजिकै आगलागी, लाखौंको क्षति
त्रिभुवन अन्तर्राष्ट्रिय विमानस्थलनजिकैको घरमा आगलागी भएको छ । विमानस्थलको मूलगेटअगाडि सञ्चालित होटलमा लागेको आगो नियन्त्रणमा आइसकेको छ ।
कल्पना लामिछानेद्वारा सञ्चालित सिटी होटलको चौथो तलामा रहेको स्टोर रुममा विद्युत सर्ट भई आगलागी भएको जनाइएको छ । आज अपरान्ह १ बजे लागेको आगो ४५ मीनेटपछि नियन्त्रणमा आएको थियो ।
नेपाली सेना, सशस्त्र प्रहरी बल, नेपाल प्रहरीबाट खटिएको टोलीसहित आयल निगम र विमानस्थल दमकल टोलीले आगलागी नियन्त्रणमा लिएका हुन् । मानवीय क्षति नभएपनि आगलागीबाट २५ लाख रुपैयाँ बराबरको धनमाल नष्ट भएको प्रहरीको प्रारम्भिक अनुसन्धानबाट खुलेको छ ।
ट्रेन्डिङ पोस्ट
टिप्पणीहरू