सुन्दरीजलको धागो कारखानामा आगो लाग्यो

काठमाडौंको सुन्दरीजलस्थित एउटा धागो कारखानामा आगलागी भएको छ । मनकामना वुल कार्डिङ्ग प्रालिमा आज दिउँसो आगलागी भएको हो । 

उक्त कारखाना ओखलढुंगाको लिखु गाउँपालिका–४ घर भई गोकर्णेश्वर नगरपालिका–२, सुन्दरीजल भूमिस्थली बस्ने ५९ वर्षीय बुध्दिबहादुर कार्कीको भएको जिल्ला प्रहरी परिसर,काठमाडौंका प्रवक्ता एसपी नवराज अधिकारीले बताए । 

उनका अनुसार हाल आगो निभाउने प्रयास भइरहेको छ । आगो निभाउनका लागि ५० जना प्रहरी, २५ जना सेना र स्थानीय खटिएको उनले जानकारी दिए । काठमाडौं र ललितपुर महानगरपालिकाको दमकलसहित पानी ट्याङ्कर घटनास्थलमा परिचालन गरिएको छ । आगो लाग्नुको कारण भने खुलिसकेको छैन ।