पूर्वमन्त्री र कलाकार रंगेहात पक्राउ

पूर्वमन्त्री र केही कलाकार जुवा खेलिरहेको अवस्थामा रंगेहात पक्राउ परेका छन् । कोशी प्रदेश सभा सदस्य तथा  पूर्वमन्त्री बुद्धिकुमार राजभण्डारीसहित ११ जना काठमाडौं गौरीघाट नजिकैबाट पक्राउ परेका हुन् । 

सोलुखुम्बुको सोताङ गाउँपालिकाका पूर्वअध्यक्ष वीरबहादुर तामाङ र टेलि सिरियल सक्किगोनीका कलाकार पुरुषोत्तम शर्मालाई पनि प्रहरीले नियन्त्रणमा लिएको छ । कलाकार शर्मा टेलि सिरियलमा प्रहरीको भूमिकामा देखिँदै आएका थिए । 

त्यस्तै पक्राउ परेका अन्यमा उत्तमकुमार राई, अनिश तामाङ, ठूला तामाङ, दिपक खड्का, भीम बहादुर साम्बाहाम्फे, रवि श्रेष्ठ, राजु महत र माधव थापा हुन् । खालबाट डेढ लाख नगद र १६ बुक तास बरामद गरिएका उनीहरुमाथि थप अनुसन्धान भइरहेको प्रहरीले जनाएको छ ।