बेचन झालाई थुनामा पठाउन आदेश

काठमाडौँ जिल्ला अदालतले नक्कली भुटानी शरणार्थी प्रकरणमा पक्राउ परेका बेचन झालाई थुनामा पठाउन आदेश दिएको छ । न्यायाधीश तीर्थराज केसीको एकल इजलासले झालाई थुनामा पठाउन आदेश दिएको हो ।

बहसको क्रममा झाका कानुन व्यवसायीहरुले धरौटीमा रिहा गर्नुपर्ने  बताएका थिए । तर अदालतले पुर्पक्षका लागि थुनामा पठाउने आदेश दिएको छ ।

उनीविरुद्ध सरकारी वकिल कार्यालयले ठगी, लिखत कीर्ते, राज्यविरुद्ध र सङ्गठित अपराधसम्बन्धी कसुरमा मुद्दा दायर गरेको हो ।