कोठामै मृत भेटिए इञ्जिनियर
रुकुमपश्चिमको चौरजहारी नगरपालिका वडा नम्वर २ मा एक इञ्जिनियर मृत अवस्थामा फेला परेका छन् ।
रुपन्देहीको देवदह नगरपालिका वडा नम्बर ७, निवासी इञ्जिनियर चन्द्रु अधिकारी भाडामा बस्दै आएको कोठामा मृत फेला परेका हुन् ।
अधिकारी झुण्डिएको अवस्थामा फेला परेका हुन् । जिल्ला प्रहरी कार्यालयका प्रमुख एवम् प्रहरी नायव उपरीक्षक नवराज पोखरेलका अनुसार ३८ वर्षीय उनलाई माध्यान्ह १२ बजेतिर मृत फेला पारिएको हो ।
अधिकारीले आत्महत्या गरेको जस्तो देखिएको र थप अनुसन्धान चलिरहेको उनले बताए । एमबी कन्ट्रक्सन चौरजहारीमा कार्यरत उनी कोठाको सिलिंग पंखामा झुण्डिएका हुन् ।
घटनापछि अधिकारीको परिवारलाई जानकारी गराइएको छ । शवलाई आवश्यक प्रक्रिया पूरा गरेर पोस्टमार्टमका लागि जिल्ला अस्पताल सल्लेमा पठाइएको डिएसपी पोखरेलले जानकारी दिए ।
ट्रेन्डिङ पोस्ट
टिप्पणीहरू