हलेसीबाट आउँदै गरेको गाडी सुनकोशीमा खस्यो, तीन जना बेपत्ता

सिन्धुलीको गोलन्जोर गाउँपालिका–१, बेलटार नजिकै एउटा गाडी सुनकोशी नदीमा खसेको छ । खोटाङको हलेसीबाट काठमाडौं आउँदै गरेको गाडी सुनकोशी नदीमा खस्दा तीन जना बेपत्ता भएका छन् । एक जना घाइते अवस्थामा फेला परेको बताइएको छ ।

भक्तपुरको सूर्यविनायक नगरपालिका जगातिका ३२ वर्षे चालक अविन बडे, स्थानीय ३० वर्षीय प्रनित स्यागु र ३७ वर्षीय बलराम घटुवा बेपत्ता छन् । स्थानीय २७ वर्षीय सुशान्त कक्षपती हामफालेर बाँच्न सफल भएको प्रहरीले जनाएको छ ।  

घाइतेको स्थानीय सामुदायिक अस्पताल, खुर्कोटमा उपचार भइरहेको छ ।