अन्तर्राष्ट्रिय विमानस्थलको पार्किङमा सुन बुझबुझारथ

त्रिभुवन अन्तर्राष्ट्रिय विमानस्थबाट अवैध सुनसहित दुई जना पक्राउ परेका छन् । नवलपरासीको बर्दघाट नगरपालिका–४ का २७ वर्षीय प्रशान्त गैरै र सप्तरीको सुरुङ्गा नगरपालिका–३, का ४१ वर्षीय सन्तोषकुमार कुँवरलाई प्रहरीले नियन्त्रणमा लिएको जनाइएको छ ।

हिमालयन एयरलाइन्सको हिजोको उडानमा प्रशान्त कतारको राजधानी दोहाबाट काठमाडौं आएका थिए । सन्तोषले उनीबाट ८१ ग्राम सुन पार्किङमा बुझेर लैजाने क्रममा प्रहरीले नियन्त्रणमा लिएको हो ।

दुबै जनालाई प्रहरी वृत्त गौशालाको हिरासतमा राखेर थप अनुसन्धान भइरहेको जानकारी प्रहरीले दिएको छ ।