चिनियाँ विमान पोखरामा अवतरण गर्दै

चीनबाट आउन लागेको एउटा चार्टर्ड उडानको विमान आज पोखरा अन्तर्राष्ट्रिय विमानस्थलमा अवतरण गर्दैछ । विमान दिउँसो पौने ३ बजे पोखरामा अवतरण गर्ने कार्यक्रम छ । 

सिचुआन एअरलाइन्सको विमानमा पोखरामा भोलिदेखि पुस १६ गतेसम्म हुन लागेको ‘क्रस क्रन्ट्री रेस’ प्रतियोगितामा सहभागी हुने चिनियाँ टोली आउन लागेको बताइएको छ । उक्त प्रतियोगिता नेपालस्थित चिनियाँ दूतावास, पर्यटन बोर्ड र पोखरा महानगरपालिकाको संयुक्त आयोजनामा हुन लागेको हो ।

चिनियाँ पक्षले सोही अवसरमा पोखरामा ‘युन्नान माउन्टेन आउटडोर रिर्सोसेज एण्ड प्रोजेक्टस एक्जिविसन अफ चाइना’ आयोजना गर्दै छ । ‘हिमालको हिमालसँगै भेट, सर्वसाधारणबीच थप घनिष्ठ सम्बन्ध’ नारा तय गरिएको कार्यक्रमलाई चीनको युन्नान प्रान्तीय खेलकुद ब्युरोको प्रत्यक्ष निर्देशन गर्दैछ । आयोजना युन्नान प्रान्तीय पर्वतीय तथा वाह्य खेलकुद संघले गर्न लागेको हो ।