भीरबाट हामफालेर आत्महत्या गर्न खोजेका तर..

कास्कीमा भीरबाट हाम फालेका एक जनाको प्रहरीले उद्धार गरेको छ । पोखरा महानगरपालिका–१४, विजयपुरस्थित डढेसाँघु भीरबाट हाम फालेका ३६ वर्षीय मनु राईको उद्धार गरिएको छ । 

झापाका उनी पोखरा–१०, अस्पताल चोकनजिक बस्दै आएका थिए । भीरमा आत्महत्या गर्न खोजेको सूचना पाएपछि वडा प्रहरी कार्यालय रामबजारबाट खटिएको टोलीले उद्धार गरेको जनाइएको छ ।

उपचारको क्रममा उनलाई क्षेत्रीय अस्पतालमा राखिएको छ । आत्महत्या गर्न खोज्नुको कारणबारे अनुसन्धान गरिरहेको प्रहरीले जनाएको छ ।