शीतल निवासमा राजदूतहरुको बिदाई भेट
राष्ट्रपति रामचन्द्र पौडेलले नेपालका लागि जापानका राजदूत किकुता युकातासँग शिष्टाचार बिदाई भेट गर्नुभएको छ।
आज बिहान शीतल निवासमा भएको भेटमा दुई देशबीच रहिआएको द्धिपक्षीय सम्बन्ध, आपसी हित र चासोका विषयमा कुराकानी भएको जनाइएको छ । सो अवसरमा राष्ट्रपति पौडेलले राजदूत युकातालाई कार्यकाल सफलतापूर्वक सम्पन्न गरिएकोमा धन्यवाद पनि व्यक्त गर्नुभयो ।
त्यसअघि आजै बिहान उहाँले नेपालका लागि श्रीलंकाका राजदूत सुदर्शन के पाथिरानासँग पनि बिदाई भेट गर्नुभएको राष्ट्रपति कार्यालयले जनाएको छ ।
भेटमा नेपाल र श्रीलंकाबीच कायम रहेको ऐतिहासिक र मित्रतापूर्ण सम्बन्धबारे चर्चा हुनुका साथै राष्ट्रपति पौडेलले राजदूत पाथिरानालाई आफ्नो कार्यकाल सफलतापूर्वक सम्पन्न गरेकोमा धन्यवाद दिनुभएको थियो ।
ट्रेन्डिङ पोस्ट
टिप्पणीहरू