प्रधानमन्त्रीसँग भैरहवा जाने टोलीमा १६ जना
प्रधानमन्त्री केपी शर्मा ओली भैरहवा पुग्नुभएको छ । उहाँ लुम्बिनी विश्वविद्यालयको दीक्षान्त समारोहमा सहभागी हुन बिहान १६ जनाको टोली लिएर काठमाडौँबाट त्यता जानुभएको हो ।
यती एयरलाइन्सको उडानमा प्रधानमन्त्री ओलीसँगै भैरहवा जाने टोलीमा उपप्रधान तथा अर्थमन्त्री विष्णु पौडेल, शिक्षामन्त्री विद्या भट्टराई, प्रधानमन्त्रीका स्वकीय र निजि सचिवहरु सहभागी छन् । प्रधानमन्त्री भैरहवा विमानस्थलबाट गाडीमा रुपन्देहीस्थित लुम्बिनी बौद्ध विश्वविद्यालय पुग्नुभएको जनाइएको छ ।
करिब २ बजे दीक्षान्त समारोहको समापनपछि उहाँ साढे २ बजेको उडानमा काठमाडौँ फर्कनुहुने विश्वविद्यालय स्रोतले जानकारी दिएको छ ।
ट्रेन्डिङ पोस्ट
टिप्पणीहरू