गौतम बुद्ध अन्तर्राष्ट्रिय विमानस्थलमा चीनबाट दुई सय २७ जना यात्रु बोकेको एउटा चार्टर विमान अवतरण गर्ने भएको छ । सेन्जेन विमानस्थलबाट आउने सिए ५६१ विमान बिहान साढे १० बजे भैरहवा पुग्नेछ । यात्रु ओरालेर करिब दुई घण्टापछि उक्त विमान सिचुआन प्रान्तको छन्तु फर्कने बताइएको छ ।
आगामी सोमबार एअर चाइनाको विमान सीए ५६१ बिहान ९ बजे छन्तुको तियानफु विमानस्थलबाट भैरहवा आएर २६० जना यात्रु लैजाने कार्यक्रम छ । त्यसका लागि विमान करिब डेढ घण्टा गौतम बुद्ध अन्तर्राष्ट्रिय विमानस्थलमा रोकिने नागरिक उड्डयन प्राधिकरण स्रोतले जनाएको छ ।
