भद्रकालीमा फोटोसहित वस्त्र प्रदर्शनी (फोटो फिचर)

नेपाली सेनाले ‘सेना दिवस’ को अवसरमा सैन्य सामग्रीहरुको प्रदर्शनी गरेको छ । सेनाको २६२ औं वार्षिकत्सव तथा महाशिवरात्री पर्वका अवसरमा जंगीअड्डामा नेपाली सेनाको फोटो तथा वस्त्र प्रदर्शनी गरिएको छ । 

सेनाको इतिहास, वर्तमान गतिविधि, विविध पक्षलाई झल्काउनेसहित सैनिक गतिविधि र कला संस्कृतिसँग जोडिएका विभिन्न स्टलहरु प्रदर्शनीमा राखिएको छ । त्यस्तै, सेनाका हातहतियार, उपकरण, पोशाक तथा अन्य सामग्रीहरु पनि प्रदर्शनी गरिएको छ । 

आजबाट शुरु भएको प्रदर्शनी माघ १८ गतेसम्म चल्नेछ । स्थापना दिवसका अवसरमा विगतमा झैं यो वर्ष पनि सेनाले फोटो प्रतियोगिता आयोजना गरेको हो । प्रतियोगितामा प्रथम भएका प्रवीण रानाभाट, द्वितीय प्रनिसन राजभण्डारी र तृतीय सरोज बैजुलाई सम्मान गरिएको छ । 

विजेताहरुलाई सैनिक तथा गैरसैनिक दुवैतर्फ क्रमशः ५० हजार, ३५ हजार र २५ हजार रुपैयाँ पुरस्कार प्रदान गरिएको छ ।

तस्बिरहरु