वैद्यका मान्छेले प्रचण्ड रोजे, कमल थापाका कार्यकर्ता पनि त्यतै
मोहन बैद्य नेतृत्वको क्रान्तिकारी कम्युनिस्ट पार्टीका केन्द्रीय सदस्य रामकृष्ण खतिवडा माओवादी केन्द्रमा प्रवेश गरेका छन् ।
बैद्यको सिन्धुपाल्चोक इन्चार्जसमेत रहेका उनी माओवादी केन्द्रले आज मेलम्चीमा आयोजना गरेको आमसभामा पुगेर प्रचण्डतिर लागेका हुन् । अब क्रान्तिको अगुवाई माओवादीले मात्र गर्ने खतिवडाको निष्कर्ष छ ।
त्यसक्रममा नेकपा एमाले, नेपाली कांग्रेस र कमल थापाको राप्रपा नेपालसहितका अन्य पार्टीका ५० बढी नेता-कार्यकर्ता आफ्नो पार्टीमा मिसिएको माओवादी केन्द्रले दाबी गरेको छ । नवप्रवेशीहरूलाई अध्यक्ष प्रचण्डले सयपत्री फूलको माला र खादा लगाएर स्वागत गर्नुभयो ।
टिप्पणीहरू