नेकपा एसका ३२ मध्ये २९ जना माओवादीसँग मिल्न तयार
नेकपा एकीकृत समाजवादीको केन्द्रीय कमिटी बैठकमा माओवादी केन्द्रसँग पार्टी एकता गर्नुपर्ने आवाज उठेको छ ।
बैठकको दोस्रो दिन आज बोल्ने अधिकांश सदस्य एकताको पक्षमा खुलेका छन् । सचिव मेटमणि चौधरीका अनुसार आज ३२ जना केन्द्रीय सदस्यले धारणा राखेकोमा २९ जना एकताको पक्षमा उभिए ।
'आज केन्द्रीय कमिटीका ३२ जना कमरेडहरूले पार्टी एकता गर्ने या नगर्ने ? बिषयमा धारण राख्नुभयाे', उनले भने, 'जसमा २ जना अनुपस्थित, १ जना कन्फ्युज र बाँकी २९ जनाले पार्टी एकता गरेर जानुपर्दछ भन्ने प्रष्ट धारण राख्नुभएकाे छ ।'
एकीकृत समाजवादीको नेतृत्व तहमै माओवादीसँगको पार्टी एकता गर्ने कि नगर्ने भन्नेबारे विवाद देखिँदै आएको छ । अध्यक्ष माधवकुमार नेपालसहित बहुमत पदाधिकारी एकताको पक्षमा रहँदा सम्मानित नेता झलनाथ खनाल, महासचिव घनश्याम भुसाल लगायत विपक्षमा छन् ।
जारी केन्द्रीय कमिटी बैठकमा पनि यसैलाई लिएर सदस्यहरू विभाजित भएका हुन् ।
ट्रेन्डिङ पोस्ट
टिप्पणीहरू