केपी ओलीको राजीनामा माग्दै पूर्व अखिल अध्यक्ष शंकरतिर

नेकपा एमालेको विद्यार्थी संगठन अनेरास्ववियुका पूर्व अध्यक्ष समिक बडालले आगामी महाधिवेशनमा महासचिव शंकर पोखरेलको वैचारिक दिशालाई अघि बढाउन आग्रह गरेका छन् । उनले पार्टी बचाउन पोखरेलको आवश्यकता रहेको तर्कसहित सामाजिक सञ्जालमा उक्त शक्ति पदमा नभएर धारमा रहेको धारणा राखेका छन् । 

‘पार्टीलाई बचाउने शक्ति पदमा होइन,धारमा छ । शंकर पोखरेलको जस्तै स्पष्ट वैचारिक दिशा भए मात्र एमाले अडिन्छ र अघि बढ्छ’ उनको भनाइ छ । बडाल उनै हुन् जसले भदौ २३ गतेको गोलीकाण्डपछि प्रधानमन्त्री केपी शर्मा ओलीलाई राजीनामा दिन आग्रह गरेका थिए । 

आज तपाईं बसिरहेको पद व्यक्तिगत सम्पत्ति होइन । त्यो पदको विरासत हामीजस्ता कार्यकर्ताले आफ्नो पसिना,आँसु र संघर्षबाट दिलाएका हौँ’।

सोही रात उनले सामाजिक सञ्जालमार्फत प्रधानमन्त्री पदको सम्मानका लागि पनि राजीनामा दिन अनुरोधसहित लेखे, ‘प्रधानमन्त्रीज्यू,आज तपाईं बसिरहेको पद व्यक्तिगत सम्पत्ति होइन । त्यो पदको विरासत हामीजस्ता कार्यकर्ताले आफ्नो पसिना,आँसु र संघर्षबाट दिलाएका हौँ’ उनले भनेका छन्,’अब त्यो पदको वास्तविक सम्मान गर्ने बाटो एउटै छ ,नैतिक जिम्मेवारी स्वीकार गर्दै राजीनामा गर्नुहोस्। यही कदमले मात्र तपाईंको राजनीतिक यात्रालाई जनताले मनन गर्ने र इतिहासले न्याय गर्ने छ ।’